احنا مين ؟

عيش أيامك الضايعة !

كل واحد فينا مر بأيام تضيع فيها البوصلة، لحظات توقف وتقول: ايش اسوي ؟ فين أروح؟ الدنيا فوضى والهدف كأنه حلم بعيد. إحنا في Lostdays ما نهرب من ذي الأيام، اخترنا نحطها على قطعة تلبسها – ستريت وير يتكلم عن رحلتك.

Lostdays مو مجرد براند، هي قصص انكتبت بدموع وصبر ناس عاشوا الضياع وطلعوا منه أقوى.

مؤسسينا كل واحد عنده قصة تمثل روح البراند. الأول، كابتن سفينة، عاش حياته محروم من حنان أمه وأبوه، وتحمل مسؤولية إخوانه السبعة. وسط كل هالتحديات، لقى نفسه في تصميم الملابس، وصار له طريق يشوف فيه النور ويبدأ من جديد. هنا بدأت Lostdays.

الثاني، كان يحلم يصير لاعب كورة مشهور، لكن اكتشف إن الأحلام أحيانًا تتحطم بسبب الواقع القاسي. في عز إحباطه، حول أحلامه المكسورة لستايل أوڤر سايز، وخلّى ملابسه تحكي عن معاناته. وهنا كمل براند Lostdays.

في Lostdays نعرف إن الضياع هو أول خطوة عشان تلقى نفسك. ملابسنا ما هي مجرد لبس، هي قصص تنقال. خيوط وألوان تتكلم عن الصمود، عن النور اللي يطلع من وسط العتمة، وعن كيف تكون "ضايع" بس تلقى نفسك.

خلنا نلبس رحلتنا ونعيش الأيام الضايعة مع بعض. لأن كل قطعة وكل لون فيها جزء مننا ينتظر يعيش قصته الخاصة.

ممكن نضيع في فترة في حياتنا ... بس لقينا نفسنا بالستايل.